«Կարծում եմ՝ այս հրադադարը փխրուն է»․ Արմեն Խաչատրյան

«Հայաստանը շարունակում է ասել, որ միջանցք չի լինելու, և որևէ մեկը այդ խնդիրն ուժով չի կարող լուծել»,- այսօր՝ լրագրողների հետ զրույցում, ասաց ՔՊ-ական պատգամավոր, ԱԺ պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը։

Պատգամավորը համարում է, որ այս հրադադարը փխրուն է։ Նա նշեց, որ այս պահին բանակցություններ են ընթանում։ Հարցին, թե ովքեր են մասնակցում բաանակցությանը, Խաչատրյանը պատասխանեց․ «Չեմ ասի, թե ովքեր են բանակցության մասնակիցները, որովհետև կոկրետ չգիտեմ մասնակիցների պաշտոնական կարգավիճակները, բայց բանակցություններն ընթանում են ՝ հրադադարի ռեժիմը շարունակելու, գերիների վերադարձի, ելման դիրքերի վերադարձի շուրջ»։