«Փաշինյանի հայտարարությունները առերևույթ պետական դավաճանության մասին փաստեր են». Արծվիկ Մինասյան

«Մենք տեր ենք մեր որդեգրած մոտեցմանը, այն է՝ երկրի անվտանգության, պաշտպանունակության, ինքնիշխանության վերականգնման համար այս իշխանությունները սպառնալիք են: Այս իշխանությունները պետք է հեռանան, որպեսզի կարողանանք վերականգնել երկրի ինքնիշխանությունը և արժանապատվությունը»,- ԱԺ ճեպազրույցի ժամին հայտարարեց «Հայաստան» խմբակցության պատգամավոր Արծվիկ Մինասյանը:

Անդրադառնալով ԱԺ-Կառավարություն հարցուպատասխամնի ժամանակ վարչապետի հայտարարություններին՝ պատգամավորն ասաց. «Հայտարարությունները համապտասխանում են առերևույթ պետական դավաճանության մասին հոդվածներին՝ սկսած ՀՀ-ին օկուպանտ համարելուց, մինչև այն, որ ՀՀ տարածքային ամբողջակությունը ոնց ուզում՝ պտտացնում է ու պատրաստ չէ ՀՀ շահերը պաշտպանել: ՀՀ քաղաքացի հանդիսացող գերիներին թողեց անպաշտպան, ավելին՝ սպառնաց. սրանք ոչ այլ ինչ են, քան ՔՕ հոդվածներով, առավել ևս՝ պետական դավաճանության առերևույթ հանցակազմ վկայող փաստեր»: