«Չակնկալեք, որ այս կանտորան խաղաղության, գերիներին վերադարձնելու կոչեր անի Ադրբեջանին». Դավիթ Սանասարյան

«Ինքնիշխան Հայաստան» կուսակցության ղեկավար Դավիթ Սանասարյանը գրում է. «Աշխարհում ընդունված պրակտիկա գոյություն ունի, որի համաձայն, որևէ երկրում անցկացվող գագաթնաժողովների և այլ նմանատիպ հավաքների ժամանակ բոլորի կողմից կոչեր են արվում, որոնք վերաբերում են կոնֆլիկտներին, ճգնաժամային, պատերազմական իրավիճակներին, գերիների վերադարձմանը և այլ նմանօրինակ երևույթներին։
Հայաստանը գտնվում է նման իրավիճակում և այժմ Երևանում ԵԱՏՄ կոչվող կառույցի միջկառավարական խորհրդի նիստ է անցկացվում, բայց չակնկալեք, որ Ադրբեջանի դաշնակիցներով լեցուն այս տխրահռչակ կանտորան Ադրբեջանին խաղաղության, գերիներին վերադարձնելու կոչեր անի։
ԵԱՏՄ, ՀԱՊԿ ու նմանատիպ կառույցներից դուրս գալը պետք է դառնա ինքնիշխանության դրոշակակիր ուժերի օրակարգի առաջնային հարցերից մեկը։ Հակառակ դեպքում, անվտանգություն, տնտեսության զարգացում ասվածները գնալով դառնալու են ճգնաժամային անուղղելի խնդիրներ»։