«Առաջնագծում մեր զինվորները վրանների հույսին չե՞ն»․ լրագրողը՝ Սարգսյանին

«Մինչև տարեվերջ ամեն ինչ անելու ենք, որ առաջնագծում պատշաճ կահավորում ունենանք և մեր զինվորները գտնվեն պատշաճ պայմաններում݁»,- այսօր՝ լրագրողների հետ զրույցում, ասաց պաշտպանության փոխնախարար Արման Սարգսյանը։

Հարցին, թե արդյոք առաջնագծում վրանների հույսին չեն զինվորները, փոխնախարարն ասաց․ «Ո՛չ, մենք հրաշալի մոդուլային տնակներ ենք կառուցել և տեղադրել․ դա գերառաջնային խնդիր է»։

Սարգսյանի խոսքով՝ զինծառայողներն առաջնագծում ապահովված են պատշաճ վառելանյութով, քնելու, տաքանալու հնարավորությամբ։