«Սա անթույլատրելի վարքագիծ է գործող իշխանության կողմից». Արմեն Մարտիրոսյան

ԱԺ նախկին պատգամավոր Արմեն Մարտիրոսյանը ֆեյսբուքյան իր էջում գրել է. «Քաղաքական գործիչների և քաղաքական ակտիվություն ցուցաբերած մարդկանց դատավարությունը նորանկախ Հայաստանում միշտ էլ եղել է գործադիր իշխանության որոշումով։ Մենք չենք ունեցել և չունենք անկախ դատական իշխանություն։

Նույնը հիմա կատարվում է Վարուժան Ավետիսյանի հետ։ Դատարանը, ունենալով բժշկական բոլոր անհրաժեշտ փաստաթղթերը, չի թույլատրում նրան, դուրս գալ Հայաստանից՝ լուծելու իր առողջական խնդիրները։

Սա անթույլատրելի վարքագիծ է գործող իշխանության կողմից, ով շատ հանգիստ նման քայլ թույլատրում էր նախկին իշխանության ներկայացուցիչներին և ոչ Վարուժանին։ Անձ, որը շատ սակավաթիվ պարկեշտ քաղաքական գործիչների շարքին է դասվում։

Իմիջայլոց, եթե Վարուժանը ցանկանար խուսափել դատական գործընթացից, ապա նա հաստատ կգտներ Հայաստանը լքելու ձևը։ Այնպես որ, կայացրեց ձեր քաղաքական որոշումը և թողեք Վարուժան Ավետիսյանը լուծի իր առողջական խնդիրը։ Հաց բերողին սպանելն արդեն իսկ շատ է»։