«Մեկն ինձ գրում է՝ դեմ չեմ Վիլսոնյան Հայաստանին, բայց մեզ ո՞վ կտա». Արա Պապյան

ԱԺԲ անդամ, դիվանագետ Արա Պապյանը ֆեյսբուքյան իր էջում գրում է. «Տարօրինակ մարդիկ կան հայերի մեջ: Մեկն ինձ գրում է՝ դեմ չեմ Վիլսոնյան Հայաստանին, բայց մեզ ո՞վ կտա: Այսինքն՝ ոմանք նստած սպասում են, որ մեր երկիրը մեզ տան և մեզանից ընդամենը պահանջվո՞ւմ է դեմ չլինելը:

Հիշեցնեմ, որ մի փոքր հայրենիք ձեռք բերելու համար հրեաները երկու հազար տարի անցան ջարդերի, նվաստացումների, զինյալ պայքարի ու փայլուն դիավանագիտության միջով՝ մինչև երկիր ստեղծեցին:

Մենք Վիլսոնյան Հայաստանի համար մինչև իսկ կարգին պայքար էլ չենք սկսել, բայց արդեն արդյունք ենք ակնկալում»: