«Գլխավոր դատախազն անհամատեղելի վարքագիծ է դրսևորել». Ա. Վարդևանյան

«Հայաստան» խմբակցության պատգամավոր Արամ Վարդևանյանը ֆեյսբուքյան եթերում անդրադարձել է Դատախազության հայտարարությանը, որը վերաբերում էր ՍԴ որոշմանը:

«Ցավում եմ, որ դատախազությունը Սահմանադրական դատարանի որոշումից հետո, ոչ թե գալիս է այն դիրքից, որ՝ գիտե՞ք ինչ, այսպիսի կոպիտ սխալ եմ թույլ տվել, ներողություն եմ խնդրում, որ խախտել եմ ԱԺ պատգամավորների կարգավիճակը, որ այդ մարդկանց ապօրինի կալանավորել եմ, որ դա ընդունելի վարքագիծ չէ..., այլ որոշում է թիրախավորել Սահմանադրական դատարանին»,- տարակուսել է Վարդևանյանը:

Փաստաբանի խոսքով՝ դատախազության դիրքորոշումը հարված է Սահմանադրական դատարանին: «Գլխավոր դատախազն ուղղակի դուրս է եկել իր սահմանադրական կարգավիճակից. նա ակնհայտ անհամատեղելի, անհամապատասխան վարքագիծ է դրսևորել: Ես վստահ եմ, որ սա դատախազության միասնական կարծիքը չէ»,- ասել է Վարդևանյանը: