«Ադրբեջանի հասարակական տրամադրություններին հետևելն ամենաօգտակար միջոցներից մեկն է»․ Վարդան Ոսկանյան

Իրանագետ Վարդան Ոսկանյանն իր ֆեյսբուքյան էջում գրում է. «Ադրբեջան կոչվող արհեստածին կազմավորման հասարակական տրամադրություններին հետևելն ամենաօգտակար միջոցներից մեկն է՝ ճիշտ գնահատելու թշնամուն և համարժեք հետևություններ անելու։

Այս առումով իրականությունը, մեղմ ասած, բավական տարբեր է այն ամենից, ինչ անձամբ Բաքվի բռնապետը և նրա քարոզչամեքենան փորձում են փաթաթել մեր վզին։
Թարգմանաբար բերեմ միայն մեկ լուսաբանող օրինակ այս սինլքորի՝ այսպես կոչված, «Զանգեզուրյան միջանցքի» վերաբերյալ այսօրվա հայտարարության արձագանքներից, որից պարզ է դառնում, որ Ստեփանակերտը շատ ավելի կարևոր է դիտարկվում, քան այդ «միջանցք» կոչեցյալը։

Ոմն Մազհար Ջաբիև՝ «Ստեփանակերտը մի կողմ թողած, հազիվ Զանգեզուրի միջանցքից է խոսվում»։ Սրան ի պատասխան, ոմն Զարբալի Իսմայիլով՝ «Նպատակն Արցախը մոռացնել տալն է»»։