«Ասողին լսող էր պետք». Էդուարդ Շարմազանով

ՀՀԿ խոսնակ Էդուարդ Շարմազանովի գրառումը․ «Շատերը ոչինչ չսովորեցին, բայց փոխարենը լիքը բան մոռացան։ «30 արծաթին» գերի հասարակությունների համար մարսելի «սնունդ» չէ անկախությունը։ Ասողին լսող էր պետք, երբ ասում էի՝ սրա վերընտրվելու դեպքում Հայաստանը կորցնելու է իր ինքնիշխանությունն ու ճամփա է բռնելու դեպի «էրմենիստան»։

Իրավացի էր հանճարեղ Նժդեհը, երբ նշում էր՝ մեր դժբախտությունների պատճառը պետք է փնտրել մեր մեջ։ Բոլոր հարցերը լուծել են, հիմա էլ թուրքերի հետ հատուկ բանագնաց են նշանակում։

Ու էական չէ, թե ո՞վ է նշանակվել, քանի որ կապիտուլյանտի վարչապետության օրոք Հայաստանը կորցնելու է ամեն ինչ։ Արցախի մեծ մասը, Շուշին, Հադրութը, 5.000 լույս տղերքի կյանքեր խլեցին Հայից, փոխարենը կկերակրեն տեսարաններով ու եվրոտեսիոներով, ու «հպարտ» հասարակությունը կցնծա։

Երևի մեզ հասնում է... Իմաստուններից մեկն ասել է՝ երբ չես գնահատում համազգային ձեռքբերումները, պատժվում ես դաժանորեն»։