«Չկա միջազգային քաղաքական կյանքից առավել կտրված քաղաքական սուբյեկտ, որքան «երդվյալ արևմտամետների» զգալի մասը». Հակոբ Բադալյան

Քաղաքական մեկնաբան Հակոբ Բադալյանի գրառումը․ «Ինձ թվում է, որ չկա արևմտյան, և ընդհանրապես միջազգային քաղաքական կյանքից առավել կտրված քաղաքական սուբյեկտ, որքան Հայաստանի ներքաղաքական կյանքում «երդվյալ արևմտամետ» դիրքերում կանգնած քաղաքական գործիչների մի զգալի մեծամասնությունը: Եվ թերևս այդ մեծամասնության հանդեպ առավել անլուրջ վերաբերմունքը հենց Արևմուտքում է:

Որովհետև միայն մի դեպքում, այն էլ բոլորովին այլ նպատակով կարող ես լուրջ վերաբերել դիրքորոշումների, որոնք գործնականում միտված են հայկական քաղաքականության մեջ եվրաատլանտյան թեմատիկան ընդամենը «բանալ» երկրպագության վերածելուն. եթե դա արվում է ռուսական ուղղությունը քաղաքական մրցունակ բովանդակությունից ապահովագրելու դիտավորությամբ, այլ ոչ թե քաղաքական անհամարժեքության հետևանքով»: