«Անհնար է պատկերացնել, որ չլինեին այդպիսի զանգեր»․ Հակոբ Բադալյան

Քաղաքական մեկնաբան Հակոբ Բադալյանի գրառումը․ «Հայկ Մարությանը թերևս լավ կանի, եթե կոնկրետացնի այն պաշտոնյաների անուն-ազգանունները, որոնք զանգահարել, ինչ-որ բաներ են խնդրել իրենց ծանոթների, հարազատների համար: Եվ հետաքրքիր կլիներ, եթե մանրամասնի, թե այդ թեմայով արդյոք քննարկումներ ունեցե՞լ է վարչապետ Փաշինյանի հետ, բարձրաձայնե՞լ է այդ հարցը նրա և քաղաքական ուժի մյուս ղեկավարների առաջ, և ինչ արձագանք է եղել:
Որովհետև, մեծ հաշվով թերևս անհնար է պատկերացնել, որ չլինեին այդպիսի զանգեր: Գլխավոր հարցն այն է, թե քաղաքապետը բարձրացրե՞լ է այդ հարցը քաղաքական շեշտադրումով և ի՞նչ քաղաքական արձագանք է ստացել վարչապետի և մյուս կուսակցական լիդերների շրջանում»: