«Այս սուտ նառատիվն ինքը տարածում է մտածված». Դանիել Իոաննիսյան

ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Արամ Վարդևանյանին անգրագետ չես անվանի: Եվ ուրեմն՝ այս սուտ նառատիվն ինքը տարածում է մտածված:

Սկզբից ակնհայտ սուտ տպավորություն է ստեղծում, որ ՍԴ-ն որոշել է, որ ՊՇՌ թեստավորումը պետք է անվճար լիներ: Ու, մի բան էլ, խոսում է նրանից, որ արդեն վճարված թեստերի գինն էլ պետք է վերադարձվի:

Մարդկանց մոտ ակնկալիք է ձևավորվում, որ իրենց ինչ-որ մեկը պետք է ապագա, կամ, միգուցե, նույնիսկ անցյալ թեստերի փողը տա: Ակնկալիք, որը չունի որևէ հիմք: Մարդիկ այդ փողը չեն ստանում, թեստերի համար շարունակում են վճարել ու բարկանում են պետության ու իշխանության վրա՝ իրենց կարծիքով՝ իրենց լեգիտիմ ակնկալիքը չիրականացնելու համար:

Հ. Գ. Պարզաբանեմ. նախկինում գործատուն կամ որևէ այլ մեկն իրավունք չուներ աշխատողի փոխարեն թեստի գումարը վճարելու: ՍԴ-ն հանեց այդ արգելքը և հիմա աշխատողի թեստի համար կարող են վճարել այլ անձինք (օրինակ՝ գործատուն): Կարող են, բայց պարտավոր չեն»: