Նիկոլ Փաշինյանը՝ Ադրբեջանի՝ ԵԱՏՄ-ում դիտորդ լինելու մասին

«Բոլոր դեպքերում մենք կդիտարկենք, եթե պաշտոնական գործընթաց լինի Ադրբեջանը նման ցանկություն հայտնի։ Ես չեմ կարող հիմա դիրքորոշում արտահայտել, որովհետև նախ հարցը պաշտոնապես սեղանին չի»,- այսօր՝ առցանց ասուլիսի ժամանակ, անդրադառնալով Ադրբեջանի՝ ԵԱՏՄ-ում դիտորդի կարգավիճակ ստանալու վերաբերյալ հարցին, ասաց վարչապետ Նիկոլ Փաշինյանը։

«Եթե տեսնենք, որ դա մի քայլ է, որը նպաստելու է մեր օրակարգին, այն է՝ Հայաստանի և տարածաշրջանի համար խաղաղ զարգացման դարաշրջան բացել, բնականաբար, Արցախի հարցի կարգավորման հեռանկարը, կոմպրոմիսները, հնարավորությունները և այլն, այսինքն՝ դա ընդհանուր համատեքստում պետք է լինի։ Եթե մյուս կետերով գնում ենք առաջ, անտրամաբանական կլինի, որ կոնֆլիկտի նոր օջախ ստեղծենք։ Դրանք հանգամանքներ են, որ պիտի դիտարկենք»,- նշեց վարչապետը։