Նիկոլ Փաշինյանը՝ Հայկ Մարությանի մասին

«Ինչպես չի կարող որևէ մեկը վարչապետ լինել առանց խորհրդարանական մեծամասնության, այնպես էլ որևէ մեկը չի կարող քաղաքապետ լինել առանց ավագանու մեծամասնության»,- այսօր՝ առցանց ասուլիսի ժամանակ, անդրադառնալով Երևանի արդեն նախկին քաղաքապետ Հայկ Մարությանի վերաբերյալ հարցին, հայտարարեց վարչապետ Նիկոլ Փաշինյանը՝ նշելով, որ բոլոր որոշումներն ընդունվել են ավագանիում:
«Այն մարդուն, ում ընտրել ենք քաղաքապետ, ինքը եղել է քաղաքապետի առաջին տեղակալ: Որևէ մեկը ճանաչո՞ւմ է իրան, որ կա քաղաքապետի առաջին տեղակալ, որը տրանսպորտի ոլորտի համակարգի ներդրումը իրականացրել է, որ աղբահանության համակարգի ներդրումն իրականացրել է և այլն: Ավագանին է կայացրել այդ բոլոր որոշումները»,- ասաց նա:
«Ի վերջո, այստեղ կա նաև քաղաքական հարթություն, բարոյական հարթություն, և այս առումով շատ կարևոր եմ համարում, որ «Իմ քայլը» սկզբունքայնություն դրսևորեց և կայացրեց քաղաքականապես ճշգրիտ ու գրագետ որոշում: Մենք կտեսնենք՝ առաջիկայում Երևանն ավելի լավ կկառավարվի, թե՞ ավելի վատ: Ես կասկած չունեմ, որ ավելի լավ կկառավարվի»,- հավելեց Փաշինյանը: