«ԼՂ-ն Ադրբեջանի կազմում թողնելու օգտին արտահայտված հայ բոլշևիկ Նազարեթյանը գերեզմանում շուռ եկավ»․ Վ․ Աթանեսյան

Քաղաքական վերլուծաբան Վահրամ Աթանեսյանի գրառումը. «Բոլշևիկյան Ադրբեջանի կառավարիչները ԼՂ հարցում ավելի գիտակ և կառուցողական էին, քան՝ Հայաստանի գործող վարչապետը։ Ինքնավար Լեռնային Ղարաբաղի մասին 1923թ․ հուլիսի 7-ի Ադր․ԽՍՀ Կենտգործկոմի Դեկրետում նրանք գրել են, որ մարզը «կազմավորվում է Ղարաբաղի հայկական մասից» և ավելացրել, որ տարածքի «հողը, ջուրը, անտառները» և մյուս բնական ու ձեռակերտ հարստությունները «մնում են որպես ներկայիս տերերի սեփականություն»։ 2021թ․ դեկտեմբերի 24-ին ազգակործան պատուհասը հայտարարեց, թե ինքը համաձայն չէ, որ «Լեռնային Ղարաբաղը հայկական է»։- Երևի նույնիսկ 1921թ․ հուլիսի 5-ի Կովբյուրոյի նիստում Լեռնային Ղարաբաղն Ադրբեջանի կազմում թողնելու օգտին արտահայտված հայ բոլշևիկ Նազարեթյանը գերեզմանում շուռ եկավ»։