Լիբիայի ափերի մոտ հայտնաբերել են 27 ներգաղթյալի դի

4273

Կիրակի, 26 դեկտեմբերի, 2021 թ., 18:24

Լիբիայի Կարմիր մահիկի աշխատակիցները Լիբիայի ափերի մոտ հայտնաբերել են ջրահեղձ եղած 27 ներգաղթյալի դի, 3 մարդ փրկվել է, ասվում է կազմակերպության Հոմսի մասնաճյուղի տարածած հայտարարությունում։
«Շաբաթ գիշերը Լիբիայի Կարմիր մահիկի աշխատակիցներն Ալուսի շրջանի ծովափին հանել և փաթեթավորել են 17 դի, այդ թվում՝ նորածնի: Աշխատակիցների մեկ այլ խումբ էլ, համագործակցելով առափնյա պահպանության հետ, մեկ այլ վայրում ջրից դուրս է բերել և հավաքել 10 դի, այդ թվում՝ 2 կնոջ։ 3 ներգաղթալ փրկվել է»,- ասվում է հաղորդագրության մեջ։
Հայտարարության համաձայն, փրկված ներգաղթյալներն ստացել են բժշկական օգնություն։ Ծովում հնարավոր ողջ մնացածների որոնումները շարունակվում են։