Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Լավ էլի, Փալո՛ն, ինչո՞ւ ես խաղում հայ ժողովրդի զգացմունքների հետ». Հակոբ Բադալյան

«Լավ էլի, Փալո՛ն, ինչո՞ւ ես խաղում հայ ժողովրդի զգացմունքների հետ». Հակոբ Բադալյան
273
Չորեքշաբթի, 29 դեկտեմբերի, 2021 թ., 16:00

Քաղաքական մեկնաբան Հակոբ Բադալյանի գրառումը․ «Կոնգրեսի հայկական հանձնախմբի համանախագահ Փալոնը գրառում է արել, որ ԱՄՆ ազգային պաշտպանության ակտը, որը ստորագրել է Բայդենը, կարևոր դրույթներ է պարունակում, որոնք ուղղված են Ադրբեջանին ու Թուրքիային 44-օրյա պատերազմում ռազմական հանցագործությունների համար պատասխանատվության ենթարկելուն:

Լավ էլի, Փալո՛ն, եթե դու հայասեր մարդ ես, ինչո՞ւ ես խաղում հայ ժողովրդի զգացմունքների հետ: Որովհետև, եթե դու քաղաքականությանը համարժեք մարդ ես, պետք է, որ պատկերացնես անհամարժեքությունն այն մտքի, թե ԱՄՆ Թուրքիային կամ Ադրբեջանին այդ հարցում ենթարկելու է պատասխանատվության:

Մի շարք անգամներ նշել եմ, այսօր էլ համոզված եմ, որ հայ-ամերիկյան հարաբերության խորացման ուղղությունը տնտեսությունն է: Կա՞ այդտեղ տեղաշարժ, կարո՞ղ ենք այդտեղ արձանագրել էական, գործնական տեղաշարժ: Սա է խնդիրը, այստեղ է աշխատանքային ուղղությունը, այդ թվում՝ ԱՄՆ-ում հայկական Սփյուռքի ներգրավման մեխանիզմի ուղղությամբ աշխատելով: Մասնավորապես, այստեղ կարևոր է Սփյուռքի նոր սերնդի հետ աշխատանքը:

Քաղաքական առումով հայ-ամերիկյան հարաբերության առարկայականության տեսանկյունից մնացյալը թերևս հայ-թուրքական հարաբերության հեռանկարի տիրույթում է»:

Աղբյուրը`   Հակոբ Բադալյան