Ըստ Ավանեսյանի՝ կորոնավիրուսի թեստի համար կարող է վճարել բարեկամը, բարերարը

«Նշենք, որ առողջապահության նախարարի հրամանը ՍԴ-ն ճանաչեց սահմանադրական, բացի «իր հաշվին» արտահայտությունից, մնացածը համապատասխանել է Սահմանադրությանը, այնպես որ գործել են, գործելու են, այդ մասով փոփոխություն չունենք»,- այսօր՝ լրագրողների հետ ճեպազրույցում ի պատասխան հարցին, թե ՍԴ-ի որոշումից հետո ով պետք է վճարի կորոնավիրուսի թեստի համար, ասաց առողջապահության նախարար Անահիտ Ավանեսյանը։

«Ինչ վերաբերում է «իր հաշվին» արտահայտությանը, որը ՍԴ-ն ճանաչեց հակասահմանադրական, այն դուրս կգա, որովհետև սահմանել, որ քաղաքացին հենց իր, այլ ոչ, օրինակ, բարեկամի կամ բարերարի հաշվին պետք է թեստավորվի, նման սահմանափակում չենք կարող մտցնել, ինչը կարծում ենք՝ իրավաչափ է»,- նշեց նա։