«Ախթալայի ԼՀԿ տարածքից բաց խողովակով ջուրը թափվում է Ախթալայի վանքին կից ձորը». Օլեգ Դուլգարյան

«Համայնքային համախմբման և աջակցության» ՀԿ նախագահ Օլեգ Դուլգարյանը ֆեյսբուքյան իր էջում գրել է. «Ախթալայի ԼՀԿ տարածքից ուղղակի բաց խողովակով ջուրը թափվում է Ախթալայի վանքին կից ձորը և խառնվում Ախթալա գետակի ջրերին, այնտեղից Դեբեդ գետին, այդպես է արդեն տևական ժամանակ,
Էսա կասեն՝ սա պարզեցված ջուրն է, բայց, ինչպես հայտնի է, նույնիսկ պարզեցված արտադրական ջրերը հարուստ են ծանր մետաղներով, էլ չասեմ թե այդ ջրի հունը ինչպիսի գույն է ստանում, բայց ասեմ ամեն դեպքում, պոչանքային, այսինքն՝ մոխրագույն։
Ի դեպ, այսօր էին ջրերը մի փոքր «պարզ», սակայն լինում է նաև հենց ամբողջությամբ պոչանքի գույնի կամ հենց պոչանք։
Լավ, մինչև ե՞րբ, սա ի՞նչ է, դա ի՞նչ է ու ինչպե՞ս կարելի է։
Կարծես թե այնքան են հանգիստ և ոչ մտահոգ, որ նույնիսկ մի քանի շաբաթ առաջ արված ահազանգն է անտեսվել։
Տարածաշրջանի հողերը և մարդկանց օրգանիզմները վխտում են ծանր մետաղների կատաստրոֆիկ բարձր քանակներից։
Տեսանյութը և լուսանկարները այսօրվա է»: