«Տոնոյանը կրակի հետ է խաղում». Ոսկան Սարգսյան

Լրագրող Ոսկան Սարգսյանի գրառումը․ «Դավիթ Տոնոյանը սպառնում է բացահայտումներ անել պատերազմի մասին, նա կրակի հետ է խաղում. Նիկոլ Փաշինյանին պատերազմում պարտության համար մեղավորներ են հարկավոր, որպեսզի իրեն ընտրած քաղաքականապես ոչ հասուն զանգվածին համոզի, թե ինքը թիվ 1 պատասխանատուն էր, սակայն միակ մեղավորը չէր պարտության համար։ Քավության նոխազի դերի համար շատ հարմար է Պաշտպանության նախկին նախարար Դավիթ Տոնոյանը, ով պատերազմից առաջ հոխորտում էր՝ նոր պատերազմ, նոր տարածքներ։ Դավիթ Տոնոյանը բողոքել է, որ իր դեմ հարուցված քրեական գործը սարքովի է և ասել, որ դեռևս առիթներ կլինեն հանրությանը ներկայացնելու իր պարզաբանումները 44-օրյա պատերազմի վերաբերյալ՝ ստեղծվելիք քննիչ հանձնաժողովների միջոցով, իհարկե, եթե ապահովվի վերջինիս աշխատանքի օբյեկտիվությունն ու անկողմնակալությունը: Դավիթ Տոնոյանը կրակի հետ է խաղում՝ հաշվի չառնելով իր կալանքի տակ գտնվելը և այն, որ Նիկոլ Փաշինյանի համար կարմիր գծեր չկան»։