«Արմեն Գրիգորյանի խոսքերը պարզունակ արդարացումներ չեն»․ Գարեգին Միսկարյան

«Քաղաքացու որոշում» ՍԴԿ նախկին անդամ Գարեգին Միսկարյանը ֆեյսբուքյան իր էջում գրել է. «Նայեցի Արմեն Գրիգորյանի հարցազրույցը։ Եթե դա լիներ միայն Նիկոլ Փաշինյանի կողմից արված ապապետական խայտառակությունը էժան արդարացմներով լղոզելու փորձ, ապա ես կհասկանայի։ Չէի ընդունի, սակայն կհասկանայի, որովհետև բա էլ ինչ անեն հեղափոխության ոսկի հնարավորությունը բաց թողած մարդիկ, եթե ժողովրդի ասած՝ մեկը մյուսի հետույքը չփրկեն, չփորձեն արդարացնել իրար։ Բայց... բայց խնդիրն այն է, որ Արմեն Գրիգորյանի խոսքերը պարզունակ արդարացումներ չեն, Արմեն Գրիգորյանը ասում է. «Մենք փորձում ենք աշխատեցնել ՀԱՊԿ-ը»։
Ինքնիշխան Ղազախ ժողովրդին ստրկրացրած բռնապետի մեկ զանգով Ղազախստան զորք ուղարկող վարչապետի Անվտանգության խորհրդի քարտուղարը ասում է բառացիորեն, որ իրենք օգնել են Վլադիմիր Վլադիմիրովիչին, որպեսզի, եթե վաղը իրենց էլ պետք լինի արտաքինից զորք բերել ՀՀ ըմբոստ ժողովրդի ազատ կամքը ճնշելու համար, ապա, իրենց էլ չմերժեն։
Ես վստահ եմ, որ իրենք հասկանում են, թե ինչ են ասում և ինչ են անում։ Հայաստանը հաստատուն քայլերով տանում են դեպի բռնապետություն։ Ա՛յ, որ բնակչության զգալի մասը դեռ չեն հասկացել դա, չի հասկացել, որ ՔՊ պալիտբյուրոն պալիտ է եղել, ու որ Նիկոլը իր հավատարմությունը Կրեմլին ցուցադրելու համար պատրաստ է առանց ոչ մեկի հետ խորհրդակցելու, ամենավերջին քայլին, դա է ողբերգությունը։
Ձեր մեծամասնության լուռ համաձայնությամբ ծախում են մեր ինքնիշխանությունը, ձեր արդարացումների ֆոնին պետականություն էինք կորցնում, ու զուտ հույս է տալիս պետական մտածողությամբ, ազատ կամքի տեր, ազատ ապրելու համար կռիվ տալու պատրաստ երիտասարդույթան գոյությունը։ Ուշքի՛ եկեք...»։