Չորեքշաբթի, 26 հունվարի, 2022 թ.
|
Ստեփանակերտում`   +2 °C

«Քանի դեռ չենք հասկացել, որ մտնում ենք մեծ տերությունների ոտքի տակ, չենք կարող այս աղետալի վիճակից դուրս գալ»․ Վարդան Հարությունյան

«Քանի դեռ չենք հասկացել, որ մտնում ենք մեծ տերությունների ոտքի տակ, չենք կարող այս աղետալի վիճակից դուրս գալ»․ Վարդան Հարությունյան
61
Չորեքշաբթի, 12 հունվարի, 2022 թ., 17:54

ՀԱԿ ակտիվիստ Վարդան Հարությունյանի գրառումը. «Ընդհանրապես, կա մի խաղ, որ պոկեր է կոչվում, ու պոկերում, ինչպես իրական կյանքում, կան խաղացողներ։ Ու էդ խաղացողները բաժանվում են տարբեր

Կան խաղացողներ, ովքեր մինիմալ խաղադրույքով են խաղում, և կան խաղացողներ, որոնց խաղադրույքները բարձր են։

Տվյալ դեպքում Հայաստանը պետություն է, որը ցածր խաղադրույք կատարող խաղացող է։ Ու երբ մենք դա չենք գիտակցում ու սկսում ենք բարձր խաղադրույք անող խաղացողների դեմ խաղալ, բնականաբար մեր ռեսուրսները չեն բավարարելու, ու մենք շատ շուտ խաղից դուրս ենք թռչելու։

Կարճ ասած, քանի դեռ մենք չենք հասկացել, որ մենք մտնում ենք մեծ տերությունների ոտքի տակ, մենք չենք կարող այս աղետալի վիճակից դուրս գալ։
Իսկ ի՞նչն է խնդիրը։ Մենք պետք է մտածենք, գցենք-բռնենք, գտնենք մի վիճակ, որով կկարողանանք մինիմալ կորուստներով դուրս գալ աղետալի վիճակից։ Իսկ մինչ դա պետք է նախևառաջ գիտակցել էն աղետալի վիճակը՝ թողնելով ամենայն պաթոսը, թողնելով, որ ՌԴ-ն ու Թուրքիան մի օր իրար կհագնեն, ու մենք մեր պատմական երազանքների իղձը ի կատար կածենք՝ ունենալով Ծովից ծով կամ վիլսոնյան Հայաստան, ինչպես ոմանք են ասում, կամ որ մենակով զենք կվերցնենք ու կգրավենք աշխարհը։
Էդ ռոմանտիկայի ժամանակները վաղուց անցել են։ Պետք է մտածենք տարբերակ, որով կարող ենք համեմատաբար քիչ վնասով դուրս գալ այս աղետից։ Ու քանի դեռ սա չենք հասկացել, միշտ լինելու ենք մեծ պետությունների ոտնատակ։

Ու մեր վրայով գալու են-անց կենան, իսկ մենք լացենք մեր դարդերը, որոնք այլևս ոչ ոքի հետաքրքիր չեն»։