««Նոր Հայաստան»-ն ու «Ապագա կա»-ն «Ենի Ադրբեջան» և Թուրքիայի «Ապագա» կուսակցության սխեմայով են». Լարիսա Ալավերդյան

«Պլյուս 3 զոհը քաղաքականության այն գինն է, որն այս խմբի կողմից անվանվում է խաղաղություն: Խաղաղությունը արժանապատվության պայմաններում է լինում, կողմերի միջև հավասար գործընթացների արգասիքն է լինում, ոչ թե ենթարկելու ու ենթարկվելու իրավիճակում»,- այսօրվա ասուլիսի ժամանակ հայտարարեց նախկին պատգամավոր, իրավապաշտպան Լարիսա Ալավերդյանը՝ անդրադառնալով վերջին օրերին սահմանին ռազմական գործողություններին, որի հետևանքով երեք զոհ ունեցանք:

««Նոր Հայաստան» երբ ասում են, նշեմ, որ Ադրբեջանում կա «Ենի Ադրբեջան» կուսակցություն, կարծում եմ՝ էդ սխեմայով է: Իսկ երբ ասում են՝ «ապագա կա», Թուրքիայում էլ կա կուսակցություն, որը կոչվում է «Ապագա»»,- հավելեց Մարդու իրավունքների նախկին պաշտպանը: