«Երբ լսում եմ ԱԺ նիստերը, մտածում եմ՝ չարժեր համաձայնել խորհրդարանական արտահերթ ընտրությունների օրակարգին». Էդմոն Մարուքյան

«Լուսավոր Հայաստան» կուսակցության ղեկավար Էդմոն Մարուքյանի գրառումը․ «Երբ լսում եմ այս գումարման ԱԺ նիստերը, մտածում եմ, որ չարժեր համաձայնել արտահերթ խորհրդարանական ընտրությունների օրակարգին:

Սակայն երբ հիշում եմ, թե ինչ անիշխանության էր հասել երկիրը, հասկանում եմ, որ անգամ այս գնով պետք էր ունենալ ընտրություններ՝ հեղաշրջման և արյունահեղության փորձերը կանխելու և օրինական ճանապարհով իշխանություն ձևավորելու համար։

Հիմա ունենք մեր ժողովրդի կողմից ձևավորված խորհրդարան, բայց ամենաշատը բողոքում են այս խորհրդարանից այն ընտրություններով ձևավորողները: Պետք չէ բողոքել, այլ դիմանալ և լսել, թե ինչ են իրար ասում՝ համապատասխան հետևություններ անելով: Չնայած, դա էլ էի կանխատեսել, թե ինչ են իրար ասելու, եթե այսպիսի տեսք ունենա խորհրդարանը»: