Կալանավորված նախկին ռազմագերին հրատապ բժշկական միջամտության կարիք ունի, առկա է անդամահատման վտանգ
244 Հինգշաբթի, 20 հունվարի, 2022 թ., 21:24 Նոյեմբերի 16-ին ՀՀ ինքնիշխան տարածքում ադրբեջանական ագրեսիայի հետևանքով գերեվարված և նոյեմբերի 26-ին հայրենադարձված, ապա՝ օրեր անց կալանավորված ենթասպա Արեն Արամյանի ոտքը, հնարավոր է, ամպուտացնելու անհրաժեշտություն լինի։ Այս մասին «Փաստինֆո»-ի հետ զրույցում հայտնել է Արեն Արամյանի փաստաբան Արա Կարապետյանը։ Հիշեցնենք, որ գերեվարվելուց հետո Արամյանին Գանձակից Բաքվի հիվանդանոց են տեղափոխել ուղղաթիռով՝ վիրահատության, քանի որ վիճակը ծանր է եղել, իսկ նոյեմբերի 26-ին հայրենադարձվելուց հետո Արամյանը տեղափոխվել է Մուրացանի հիվանդանոց, որտեղ 10 օր բուժօգնություն է ստացել, ապա՝ կալանավորվել ՀՀ իրավապահների կողմից։ Հիվանդանոցում գտնվելու ընթացքում Արամյանը հարցաքննվել է՝ որպես տուժող։ Դեկտեմբերի 6-ին ձերբակալվել է ՔԿ-ում քննվող քրեական գործի շրջանակներում, ապա՝ վարույթն իրականացնող մարմինը մեղադրանք է առաջադրել և կալանավորման միջնորդություն ներկայացրել, ինչը Երևանի ընդհանուր իրավասության դատարանի դատավոր Դավիթ Արղամանյանը բավարարել է։ Արեն Արամյանին մեղադրանք է առաջադրվել ՀՀ քրեական օրենսգրքի 365-րդ հոդվածի 3-րդ մասի հատկանիշներով, այն է՝ մարտական հերթապահության կամ մարտական ծառայություն կրելու կանոնները խախտելը, որն առաջացրել է ծանր հետևանքներ։ Փաստաբան Արա Կարապետյանը աղբյուրի հետ զրույցում հայտնեց, որ օրերս նախաքննության ավարտ է հայտարարվել, կողմերին տրամադրվել են 6 հատորից բաղկացած քրեական գործի նյութերը և հինգ օր ժամանակ՝ դրանց ծանոթանալու համար։ Պաշտպանը միջնորդություն է ներկայացրել դատարան՝ նոր ի հայտ եկած հանգամանքի հիմքով Արամյանի նկատմամբ ընտրված խափանման միջոցը գրավով փոխարինելու մասին և, նկատի ունենալով Արամյանի ընտանիքի սոցիալական պայմանները, գրավի չափ է առաջարկել 500.000 ՀՀ դրամը։ Մասնավորապես, նախաքննության ավարտ է հայտարարվել, հետևաբար, նախաքննության ընթացքում որպես կալանավորման հիմք մատնանշված՝ գործի քննության խոչընդոտման հավանականությունը էականորեն նվազում է կամ վերացվում։ Խափանման միջոցի փոփոխման հարցը բարձրացնելու հարցի համար հիմք է հանդիսացել նաև Արեն Արամյանի առողջական վիճակը։ Միջնորդության քննությունը տեղի կունենա վաղը՝ Երևանի ընդհանուր իրավասության դատարանի դատավոր Դավիթ Արղամանյանի նախագահությամբ։ Առավել մանրամասն՝ սկզբնաղբուրում: |
«Մի օր էլ տնից դուրս կգաք ու երբ հետ գաք տուն, չեք կարողանա մտնել, հանձնած կլինի». Կարապետ Պողոսյան
9106:00«Ադրբեջանական լրատվամիջոցներն սկսել են արծվաշենյան «տեղեկատվական գրոհը»». Կարեն Հեքիմյան
11204:00«Տավուշի թեմի առաջնորդն այսօր մեծ բեռ է վերցրել իր ուսերին». Հրանտ Մելիք-Շահնազարյան
10702:06«Առավոտից այս շարժումը պիտի համահայաստանյան դառնա». Բագրատ Սրբազան (տեսանյութ)
12701:18Սեպտեմբերի 19-ին ԼՂ–ի վրա ադրբեջանական հարձակման հետևանքով 42 հայ է անհետ կորել․ Պետդեպ
10800:54Երևանում ԱԺԲ–ի ակցիայի 96 մասնակից է բերման ենթարկվել
9600:48«Նվիրվածությունը ազգային շահերին ու անվտանգությանը պետք է դառնան քաղաքական զարթոնքի հիմնաքար». Դավիթ Անանյան
9600:36«Ծիծեռնակաբերդում երեխեք կային, որոնց ծնողները զոհվել են ցինիկ Աննայի ու իր ցեղասպան մարդու ձեռքով». Ռոբերտ Հայրապետյան
143Երեկ, 23:30