Երեքշաբթի, 21 ապրիլի, 2026 թ.
|
Ստեփանակերտում`   +6 °C

««Պատիվ ունեմ»-ի իրական շարժառիթը». Դանիել Իոաննիսյան

««Պատիվ ունեմ»-ի իրական շարժառիթը». Դանիել Իոաննիսյան
322
Երկուշաբթի, 31 հունվարի, 2022 թ., 12:06

ԻՔՄ համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «ԵԽԽՎ բանաձևը քննադատում է Ադրբեջանի իշխանություններին՝ ռազմագերիների ու մշակութային ժառանգության մասով և Հայաստանի իշխանություններին՝ խոսքի ազատության մասով (այո՛, բացի օբեկտիվ գովասանքից բանաձևում նաև քննադատություն կա)։

Կարծես՝ ցանկացած ընդդիմադիր պետք է երկու ձեռքով կողմ լիներ այդ բանաձևին։ Բայց Հայաստանի խորհրդարանական ընդդիմության մեծ մասի նպատակների մեջ ո՛չ ռազմագերիների վերադարձ կա, ո՛չ էլ, առավել ևս, ժողովրդավարություն։ Հայաստանի խորհրդարանական ընդդիմության մեծ մասն ուզում է մեկ բան՝ չկորցնել երկար տարիների թալանածը և չպատժվել դրա հանար։

Եվ պետք չէ զարմանալ, որ ԵԽԽՎ-ում իրենք Ադրբեջանի ու Թուրքիայի հետ միաբերան են քվեարկում։ Էդ մարդիկ նոյեմբերի 16-ի ռազմական բախման ժամանակ ասում էին՝ «Նիկոլը Սյունիքի հողերը հանձնել է», ինչից հետևում էր, որ զինվորը չպետք է պայքարի (ո՞վ կուզենա կյանքը վտանգել «հանձնած» հողի համար)։

Հ. Գ. ՔՊ-ն, իհարկե, աչքիս լույսը չի (մեղմ ասած), բայց այսպիսի վատ խորհրդարանական ընդդիմություն Հայաստանում չի եղել երբեք»։

Աղբյուրը`   Դանիել Իոաննիսյան