«Մի բան ասա, որ երեք ամիս առաջ ասել է, մի քանի ամիս անց՝ այլ բան չի ասել»․ Սերժ Սարգսյան

«Իր ասածներից ո՞ր մեկն է իրար բռնում: Մի բան ասա, որ երեք ամիս առաջ ասել է, հետո մի քանի ամիս անց այլ բան չի ասել, բացի նրանից, որ մեզ մշտապես համարում է, չգիտեմ, կոռուպցիոներներ և այսպես մի քանի օրինակ, ուրիշ իր ասածներից ո՞րն է բան»,- իր հարցազրույցում՝ անդրադառնալով Նիկոլ Փաշինյանի հայտարարություններին, ասաց ՀՀ երրորդ նախագահ Սերժ Սարգսյանը։

«Մոռացե՞լ եք, որ այդ մարդն ասում էր, որ Հայաստանում կա երեք միլիոն վարչապետ, ու ընդամենը երկու-երեք շաբաթ հետո կառավարության դռները ծեծում էին այդ վարչապետները, ներս չէին թողնում: Բա մոռացե՞լ եք, որ այդ մարդն ասում էր, որ այս իշխանություններն են մեղավոր, որ Հայաստանում աղքատության տոկոսը բարձր է ու հետո որոշ ժամանակ անց ասում, որ աղքատությունը ձեր գլխում է: Այսինքն՝ ես կարող եմ հարյուրավոր օրինակներ բերել: Բա ո՞նց կարող է այդ մարդն իր ասածներն էդպես հետևողականորեն կատարել»,- նկատեց ՀՀ երրորդ նախագահը: