«Բրիտանիայի, Լեհաստանի և Ուկրաինայի ռազմաքաղաքական միավորումը կարևոր է ՀՀ-ի համար». Տ. Խզմալյան

ՀԵՎԿ նախագահ Տիգրան Խզմալյանը գրում է. «Բրիտանիայի, Լեհաստանի և Ուկրաինայի ռազմաքաղաքական միավորումն անչափ կարևոր է ՀՀ համար, քանի որ նախադեպ է ստեղծում «փոքր դաշինքների» համար, որոնք իրենց հերթին ավելի դյուրին ու սահուն կերպով կարող են մաս կազմել ավելի լայն ու հզոր միավորումների համար, այսպես ասած «անուղղակի» կերպով։ Օրինակ, Ուկրաինան դեռևս չի մտնում ՆԱՏՕ, բայց ՆԱՏՕ-ի երկու կարևոր անդամների՝ Բրիատանիայի և Լեհաստանի հետ նրա դաշինքը հնարավորություն է ստեղծում նրա համար շրջանցել Գերմանիայի և Հունգարիայի ռսամետ առարկությունները և ուղիղ ռազմական օգնություն ստանալու ՆԱՏՕ-ից առանց ֆորմալ անդամակցությանը։ Մյուս կողմից, եթե ՀՀ-ն ունենա նման սերտ հարաբերություններ Հունաստանի և Վրաստանի հետ, ապա դա հնարավորություն կտա մեր երկրին էլ շրջանցելու Թուրքիայի կամ ՆԱՏՕ-ի մեկ այլ երկրի առարկությունները և Ֆրանսիայի կամ նույն Լեհաստանի միջոցով ռազմական և այլ օգնություն ստանալ ՆԱՏՕ-ից։ Էլ ավելի հեշտ և արդյունավետ կլինեն նման «փոքր դաշինքները» ԵՄ անդամակցելու ճանապարհին։ ՀԵՎԿ-ն այժմ աշխատում է հենց այս ուղղությամբ»: