«Խորհրդարանի ընդդիմադիր երկու խմբակցությունների ներկայացուցիչները լինելու են դատարանի բակում»․ Սեյրան Օհանյան

«Ժողովրդավարական արժեքներ դավանող միջազգային հանրության աչքի առաջ ակնհայտ բռնատիրության ձգտող Հայաստանի իշխանությունների գործողություններով ապօրինի կալանավորվում են համայնքի ղեկավարներ, ավագանու անդամներ, իշխանության անօրինական ցանկությունը չկատարող դատավոր, իշխանության բազմաթիվ քննադատներ»,- այսօր՝ ԱԺ նիստում, հայտարարեց «Հայաստան» խմբակցության պատգամավոր Սեյրան Օհանյանը։

«Մենք դատապարտում ենք իշխանությունների այս ակնհայտ ապօրինի գործողությունները՝ գործող քաղաքապետերի, համայքների ղեկավարների նկատմամբ։ Այս պահին էլ Վերաքննիչ դատարանում քննվում է քաղբանտարկյալ, Գորիսի քաքաղապետ Առուշ Առուշանյանի խափանման միջոցի հարցը: Խորհրդարանի ընդդիմադիր երկու խմբակցությունների ներկայացուցիչները լինելու են դատարանի բակում՝ ի աջակցություն Առուշ Առուշանյանի»,- նշեց նա:

«Կոչ ենք անում մեր հայրենակիցներին մասնակցել այս պայքարին՝ հանուն իրավական ու ժողովրդավարական Հայաստանի»,- հավելեց Օհանյանը։