«Սա լրջագույն ազգային անվտանգության խնդիր է Վրաստանի պես թույլ պետության համար»․ Ա․ Այվազյան

Մատենադարանի ավագ գիտաշխատող Արմեն Այվազյանի ֆեյսբուքյան գրառումը. «Մեր դավաճաններն ու հիմարները երազում են Թուրքիայի հետ «բարիդրացիական հարաբերություններ» հաստատելու մասին, իսկ այդ ընթացքում Թուրքիան կրոնական ու գաղափարական հարձակում է իրականացնում իր դաշնակից Վրաստանում։ Թուրքական պետության հատկացրած մեծ գումարներով եռանդուն աշխատանք է տարվում ադրբեջանցի շիաներին ծայրահեղ սուննիական ուղղության՝ սալաֆիականության հետևորդ դարձնելու ուղղությամբ։ Սալաֆականները մեծ թիվ են սկսել կազմել Մառնեուլիի, Գարդաբանիի, Բոլնիսի և Դմանիսի շրջաններում։ Սուննի բոլոր իմամներն իրենց աշխատավարձն ստանում են Անկարայից։ Թուրքական հատուկ ծառայությունների այսպիսի գործունեությունը լարվածություն է առաջացնում Վրաստանի շիաների և սուննիների միջև։ Սա լրջագույն ազգային անվտանգության խնդիր է Վրաստանի պես թույլ պետության համար։ Մառնեուլիի բնակիչներից ոմանք արդեն իսկ իրենց մասնակցությունն են բերել սիրիական հակամարտության մեջ։ Նկատվում են նաև նրանց կապերը Դաղստանի ծայրահեղականների հետ։
Իսկ թե ինչ կանի Թուրքիան Հայաստանում՝ սահմանների և ճանապարհների այդքան (դավաճանների և ապուշների համար) բաղձալի «բացումից» հետո, դժվար չէ պատկերացնել։
Ահա այդ մասին է հետևյալ հոդվածը»։