«Ես առարկում եմ ձեր գործողությունների դեմ»․ մեղադրող դատախազը՝ դատավորին

Այսօր՝ «Սիլվայի գործով» դատական նիստի ժամանակ՝ մեղադրող դատախազի մեղադրական եզրակացությունն ընթերցելուց հետո, դատավոր Աննա Դանիբեկյանը պաշտպանական կողմի խնդրանքով հայտարարեց 20 րոպե ընդմիջում։

Ընդմիջումից հետո մեղադրող դատախազը, մինչ պաշտպանի՝ առաջադրված մեղադրանքի մասին դիրքորոշում հայտնելը, նշեց, որ հայտարարություն ունի։
«Ես առարկում եմ ձեր գործողությունների դեմ երկու պատճառով»,- ասաց նա դատավորին։

«Նախ թույլ չեք տալիս առարկություններ կայացնել՝ ենթադրում եմ այն պատճառով, որ մենք ուրիշների նման չենք կանգնում ու հայտարարում, որ չենք նստելու մինչև հայտարարությունը չանենք։ Երկրորդ՝ քրեական դատավարության օրենսգրքի հոդվածը, որը կարագավորում է ձեր գործողությունները, որոնք դուք կատարում էինք ընդմիջվելուց անմիջապես առաջ, ենթադրում է քննարկում բացառապես ամբաստանյալի հետ։ Դուք թույլ տվեցիք, որ այդ քննարկմանը մասնակցի նաև պաշտպանը, և ամբաստանյալի կողմից դիրքորոշումները ձեզ ներկայացնեն միջնորդավորված ձևով։ Ավելին՝ առանց մեր դիրքորուշումը հարցնելու դուք փաստացի հնարավարություն տվեցիք, որ ամբաստանյալը ձեր հարցերին պատասխանի քննարկումից հետո, այսինքն՝ ընդմիջման ժամանակ պարզի, թե մեղադրանքի որ հատվածն իրեն հասկանալի չէ»,- նշեց դատախազը։