«Ընդամենը երկու փաստ հիշեցնեմ». Էդուարդ Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրում է. ««Բիզիմդիրներ» ու «նոլդուներ»՝ սա է ձեր բերած ժառանգությունը, կապիտուլյանտնե՛ր։

Բանակցային ժառանգություն... Այս հարցին ուղիղ անդրադարձել եմ Փաշինյանի հետ հանդիպմանը 2020-ի հոկտեմբերի 12-ին ու նշել՝ մեր իշխանությունը քեզ ժառանգել է 12 հազար քառակուսի կմ Հայկական Արցախ, տեսնենք՝ դուք ի՞նչ եք ժառանգելու ձեր հաջորդներին։ Քանի որ կապիտուլյանտները դեռ հանդգնում են խոսել «վատ» բանակցային ժառանգությունից, հիշեցնեմ ընդամենը երկու փաստ։

Ա/ Սերժ Սարգսյանի ժամանակ՝ 2016-ի հոկտեմբերի 7-ին, Ալիևն ասում էր՝ Ադրբեջանին ճնշում են ճանաչել Արցախի անկախությունը։

Բ/ Իսկ Փաշինյանի ժամանակ Ալիևն սկսեց հրապարակային վիրավորել ու նսեմացնող հայտարարություններ անել, որին այս իշխանությունը չի համարձակվում պատասխանել։ Ալիևի կողմից «բիզիմդիրների» ու «նոլդուների» արժանացած ռեժիմը դեռ խոսում է...»: