«Չպետք է ասենք՝ դուրս ենք գալիս փողոց Քոչարյանին իշխանության բերելու համար». Ռոբերտ Քոչարյան

«Վերջին հարցումները ցույց են տալիս, որ այս իշխանության նկատմամբ ծայրահեղ վատ վերաբերմունք ունեցողների թիվը շեշտակի աճել է: Ասում են՝ ընդդիմության վարկանիշն ընկնում է, այո՛, ընկնում է: Բայց մեզնից հիասթափվողն այս իշխանության ֆանատը չի դառնալու, մեզնից հիասթափվում են նրանք, ովքեր սպասում են ավելի ռադիկալ քայլերի»,- ասուլիսի ժամանակ հայտարարել է ՀՀ երկրորդ նախագահ Ռոբերտ Քոչարյանը՝ անդրադառնալով իշխանության և ընդդիմության վարկանիշին, փողոցային հնարավոր պայքարին. «Դեռ չի հասունացել այն վիճակը, որով կկարողանանք մեծ զանգվածներ փողոց հանել. չենք ուզում հիասթափեցնել մեր կողմնակիցներին... Փողոցը պետք է լինի իշխանությունը հեռացնելու մասին, չպետք է ասենք՝ դուրս ենք գալիս Քոչարյանին իշխանության բերելու համար»,- ասել է նա: