«Նիկոլ Փաշինյանը Քոչարյան-Սարգսյան զույգի «փնթի միքսն» է». Սուրեն Սուրենյանց

Քաղաքագետ Սուրեն Սուրենյանցի գրառումը․ «Նիկոլ Փաշինյանը Քոչարյան-Սարգսյան զույգի «փնթի միքսն» է. Ռոբերտ Քոչարյանի ողբերգությունն այն է, որ նրան թվում է, թե իր նախագահության տարիներին Հայաստանը գլոբալ հարցերում օրակարգ թելադրող է եղել։

Չի եղել այդպես, հենց նրա պաշտոնավարման ժամանակ էր, որ Ռուսաստանի պետդումայի նախագահը Հայաստանը «ֆորպոստ» անվանեց։

«Ֆորպոստն» ինքնուրույն քաղաքականություն վարել չի կարող։ Կա աքսիոմ՝ բոլոր այն ուժերը, որոնք շեշտը դրել են ԼՂ խնդրում ստատուս-քվոն պահպանելու վրա, դա արել են Հայաստանի ինքնիշխանության, սուբեկտության հաշվին։ Ռոբերտ Քոչարյանն այդ քաղաքականության «կնքահայրն» է, Սերժի Սարգսյանը, ընդհանուր առմամբ, մնաց այդ «գծի» մեջ, Նիկոլ Փաշինյանը Քոչարյան-Սարգսյան զույգի «փնթի միքսն» է՝ Հայաստանի սուբեկտության լիակատար ոչնչացմամբ։ Այնպես, որ Քոչարյանի համար դժվար է Փաշինյանին այլոց գրպանը «գցելը»։ «Ոչմիթիզականության» նույն տրամաբանությունն է, որի հետևանքը եղավ Հայաստանի «ոչ մի թիզ» ինքնիշխանությունը»։