«Ափսոս էդ ազգանունը, որ...». Ռոբերտ Քոչարյանը՝ Անդրանիկ Քոչարյանի մասին

559

Հինգշաբթի, 17 փետրվարի, 2022 թ., 13:24

«Ափսոս էդ ազգանունը, որ...»,- ՔՊ-ական պատգամավոր, ԱԺ հանձնաժողովի նախագահ Անդրանիկ Քոչարյանին նկատի ունենալով՝ ասաց ՀՀ երկրորդ նախագահ Ռոբերտ Քոչարյանը:

«44-օրյա պատերազմի հանգամանքներն ուսումնասիրելու խնդիրը եղել է մեր նախընտրական ծրագրում, մենք առաջինն ենք բարձրաձայնել դրա անհրաժեշտությունը: Մոտակա օրերին առաջարկ ենք տալու, թե ինչպես ենք տեսնում հանձնաժողովի ձևաչափը: Պետք է լինելու օրենսդրական նախաձեռնություն. սա այն հարցն է, որ պետք է դրան գնալ»,- ասաց ՀՀ նախկին նախագահը:

Ռոբերտ Քոչարյանը խոսեց նաև ՀՀ նախագահի թեկնածուի մասին:

Հիշեցնենք՝ ՔՊ-ն այդ պաշտոնում առաջադրել է Վահագն Խաչատուրյանի թեկնածությունը:

Քոչարյանի կարծիքով՝ ՀՀ նախագահի պաշտոնում առաջադրվող թեկնածուներից լավագույն տարբերակը հայ առաքելական եկեղեցու հարգանքը վայելող որևէ սրբազանը կլիներ։ Նրա խոսքով՝ նման մարդիկ կան, որ և՛ հարգանք են վայելում, և՛ ազգային շահերով են առաջնորդվում։