«Շատ հարցեր ունեմ մեր ԱԳՆ-ին». Հայկ Մամիջանյան

ԱԺ ընդդիմադիր խմբակցության պատգամավոր Հայկ Մամիջանյանն անդրադառնալով Պուտինի ու Ալիևի՝ դաշնակցային փոխգործակցության մասին հռչակագրի ստորագրմանը, ասել է՝ «հնարավոր չէ նեղանալ սեփական դաշնակցից նրա համար, որ նա չի անում ավելին, քան դու ինքդ պետք է անես»: «Հայաստանը շատ մեծ կորուստ ունեցավ այն տեսանկյունից, որ չկարողացավ Հարավային Կովկասում լինել ՌԴ կանխատեսելի ու վստահելի դաշնակից, որի արդյունքում Հարավային Կովկասի երկրներից ևս մեկը նույնպես ստացավ նմանօրինակ կարգավիճակ»,- ասել է պատգամավորը: «ՀՀ ԱԳՆ-ի աշխատանքի արդյունավետությունը ու թե ինչպես ստացվեց, որ ՌԴ-ին անհրաժեշտ եղավ ունենալ ևս մեկ դաշնակից երկիր, սրա հետ կապված շատ հարցեր ունեմ մեր ԱԳՆ-ին»,- հավելել է նա: