«Աշխարհաքաղաքական խաղի տեսանկյունից՝ ՌԴ-ն ու ԱՄՆ-ն իրենց դաշնակիցներին չեն դավաճանել». Բորիս Մուրազի

Politik.am կայքի խմբագիր, լրագրող Բորիս Մուրազին գրում է. «44-օրյա պատերազմի ընթացքում Ռուսաստանը, որպես դաշնակից, գրեթե ոչինչ չարեց մեզ համար, ըստ էության՝ դավաճանեց։ Այս ամենի հետ մեկտեղ՝ մոլորեցնում են բոլոր նրանք, ովքեր պնդում են, թե ռուսների գրկից թռնենք ամերիկացիների գիրկ, ամեն բան հրաշալի է լինելու։ Միայն վերջին երեք տարիների ընթացքում ամերիկյան տարբեր կառավարություններ դավաճանեցին Սիրիայի իրենց քուրդ դաշնակիցներին, Աֆղանստանի իրենց դաշնակից կառավարությանը և այս օրերին էլ՝ ուկրաինացիներին։ Բայց եթե ավելի անկեղծ լինենք և աշխարհաքաղաքական խաղի տեսանկյունից նայենք, ապա Ռուսաստանն ու ԱՄՆ-ն իրենց դաշնակիցներին չեն դավաճանել։ Իրենք իրենց շահերն են սպասարկել ու որոշ դեպքերում էլ իրենց դաշնակիցներն սպասել են այնպիսի աջակցություն, որի խոստումն այդ գերտերությունները չէին տվել»։