«Միայնակ մնացած Հայաստանի ղեկավարները՝ նստած սպասում են, թե իրենց ինչ են հրահանգելու»․ Ա․ Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Շուտվանից չէի անցել ադրբեջանական օգտատերերի էջերով ու ադրբեջանական լրատվականներով։ Ամբողջապես սատարում են ուկրաինացիներին, ի տարբերություն հայկական օգտատերերի, որոնք այս հարցը ևս օգտագործում են տարանջատվելու ու միմյանց հետ վիճելու համար։ Ալիևը զանգել է Զելենսկուն, առաջարկել է իր և Թուրքիայի միջնորդությունը, օգնություն պարունակող ինքնաթիռը տեղափոխել է մարդասիրական բեռներ։ Ուկրաինայում ադրբեջանական Սոկարը իր բենզալցակայաններից անվճար բենզին է լիցքավորում բժշկական և արտակարգ իրավիճակների ծառայության մեքենաներին։
Չմոռանանք որ ԳՈՒԱՄ-ի քառյակը՝ Վրաստան, Ուկրաինա, Ադրբեջան և Մոլդովա կազմով ահագին միացյալ օրակարգեր ունեին և ունեն։ Ի տարբերություն միայնակ մնացած Հայաստանի, որի ղեկավարները նստած սպասում են թե իրենց ինչ են հրահանգելու, որ ասեն կամ անեն»։