«Մեզ համար նույն կերպ ծայրահեղ վատ կլինի նաև Ուկրաինայի պարտությունը»․ Ս․ Սաֆարյան

Քաղաքագետ Ստյոպա Սաֆարյանի գրառումը․ «Ադրբեջանն ու Թուրքիան հանդես են եկել Ռուսաստանի ու Ուկրաինայի միջև բանակցություններ կազմակերպելու առաջարկով։ Զելենսկին դա ողջունել է։ Էրդողանը նույնիսկ Պուտինին հրավիրել է Անկարա՝ Ուկրաինայի շուրջ խոսելու համար։ Ու այս ամենը Պուտինի ու Ռուսաստանի դեմ արեմտյան՝ կիսագնդում անպատկերացնելի կոշտ, միջազգային դատարան տանող որակումների, խորտակիչ սանկցիաների ֆոնին։ Ռուս-ուկրաինական պատերազմում Ռուսաստանի ու Պուտինի պարտության հեռանկարի դեպքում ճարահատյալ Պուտինի համար տորգ կարող է բացվել Անկարայի ու Բաքվի հետ, ի վնաս մեզ։ Մեզ համար նույն կերպ ծայրահեղ վատ կլինի նաեւ Ուկրաինայի պարտությունը։ Մեր միակ շահը պատերազմի շուտ կանգնեցումն է։ Վայ բախտ բաժանող...
Ապրիլին էլ Փաշինյանն է հրավիրված Մոսկվա՝ երեք եռակողմ պայմանավորվածությունների իրականացման «գործնական ասպետներ» քննարկելու... Ռուսաստանի թուլության եւ/կամ ուժեղության աստիճանը մեր համար ցուցիչ է լինելու՝ ինչ սպասել...»։