«Պուտի՛ն, դու սխալ էիր, իսկ ժողովրդավարությունը՝ ճիշտ». Արթուր Սաքունց

Իրավապաշտպան Արթուր Սաքունցի գրառումը․ «Եվ այսպես, պուտինյան ռեժիմի իզգոյացումն արձանագրվեց ՄԱԿ-ի մակարդակում:

141 պետություններ դեմ են Պուտինի ռեժիմի քաղաքականությանը, ընդամենը 5 պետություն են պրոպուտինյան, 35 պետություն պուտինյան ռեժիմի աջակիցը չեն:

Հատկապես կարևոր է արձանագրել, որ անգամ ՀԱՊԿ անդամ պետությունների գերակշիռ մասը չեն համարձակվել հանդես գալ պուտինյան ռեժիմի քաղաքականության աջակցությամբ: Սա է առավել ցայտուն ցուցանիշը իզգոյության. ինչ աստիճանի բարոյական անկման հասնող քաղաքականություն պետք է վարես, որ անգամ քո ազդեցության տարածքի, իբր թե դաշնակից համարվող պետությունները չեն համարձակվել քեզ պաշտպանել: Այո՛, Պուտի՛ն, դու սխալ էիր, իսկ ժողովրդավարությունը ճիշտ է: