«Ռազմական իրավիճակն Ուկրաինայում». Հրանտ Տեր-Աբրահամյան

Հրապարակախոս Հրանտ Տեր-Աբրահամյանի գրառումը․ «Ռազմական իրավիճակն Ուկրաինայում: Որևէ վճռական արդյունք չկա ճակատներից ոչ մեկում: Հարավային ճակատում, ուր ռուսական առաջխաղացումն ամենա մեծն էր վերջին երկու-երեք օրվա մեջ, առաջխաղացումը կանգնել է մի կողմից՝ արևմտյան՝ դեպի Նիկոլաև-Վոզնեսենկ ուղղությամբ: Այստեղ ուկրաինացիները, ըստ հաղորդումների, չունեն մեծ ուժեր, բայց ռուսներն են, հավանաբար կարևոր չեն համարում այս ուղղությամբ հետագա առաջխաղացումը: Կենտրոնում էլ՝ Զապորոժիեի ուղղությամբ:

Հիմնական ուղղությունն այստեղ հարավ-արևելյանն է, ուր ռուսները կարողացել են փակել Ազովյան ծովի ափը, սակայն, Ազովյան վերջին բաստիոն Մարիուոպոլը կանգուն է, և դրա գրավումը շուտ չի լինելու, եթե լինի ընդհանրապես: Այստեղ կենտրոնացած են ուկրաինական Ազով բատալյոնի ուժերը, որի կորիզն ուկրաինական նացիոնալիստներն են՝ լավ մոտիվացված ու պատրաստված: Երեկ ռուսները հաղորդեցին Մարիուոպոլի ուղղությամբ Վոլնովախա բնակավայրի գրավման մասին, բայց այսօր ասում են, որ «զաչիստկան» շարունակվում է, լիարժեք կոնտրոլ չկա: Այստեղ նույնպես Ազովի ստորաբաժանումներն են:

Դոնեցկի և Լուգանսկի ճակատներում տեղական մարտեր են, կա ռուսական առաջխաղացում, բայց առանց վճռական ճեղքման:

Խարկովը շարունակում է մնալ կիսաշրջափակված, բայց ուկրաինական վերահսկողության տակ: Ամբողջական բլոկադա քաղաքի չկա: Հեքիաթները, թե ռուսները չեն ուզում գրավել քաղաքը, հենց հեքիաթներ են: Խարկովը կարևոր է որպես հաղորդակցության կենտրոն, որը գրավելուց հետո, ռուսները կկարողանան շարժվել այստեղից հարավ՝ Զապորոժիեի ուղղությամբ՝ շրջափակելու համար ուկրաինական խմբավորումը Դոնեցկում, որն ուժեղներից մեկն է:

Օրեր առաջ Խարկովում ոչնչացվել է ռուսական սպեցնազի խումբը, որը մտել էր քաղաք և ընկել շրջափաակման մեջ (ըստ պրոռուսական դենոցկյան աղբյուների):

Կիևի մերձաքկայում շարունակվում են մարտերը՝ առանց վճռական արդյունքի: Ռուսները հատկապես խորացել են Կևի շուրջ հյուսիս-արևմուտքից: Բայց հետագա առաջխաղացումը ծանրանում է համառ մարտերի պատճառով: Որոշ բնակավայրեր ձեռքից ձեռք են անցում՝ հընթացս ավերվելով: Կիևի հյուսիս արևելքից ռուսները նույնպես առաջ են եկել բարակ գծով՝ թիկունքում թողնելով չգրավված Չերնիգովը, Սումին և մյուս խոշոր քաղաքները: Բայց այս ուղղությամբ ռուսներն ավելի հեռու են Կիևից առայժմ, քան արևմուտքից: Այստեղ նույնպես համառ մարտեր են:

Հակառակ ռուսական պնդումների, թվում է, որ ուկրաինական օդուժն ու հակաօդայինը չեն ոչնչացվել:

Ուկրաինական ԶՈւ-ն ընդհանուր առմամբ պահպանում է իր մարտունակությունը և դիմադրողականությունը: Կազմալուծման միտում չի երևում: Երկուստեկ կորուստներ պետք է, որ շատ մեծ լինեն, հազարներով հաշված: Այսքանը կարողացել եմ կորզել ձեզ համար՝ համադրելով ուկրաինական, դոնեցկյան, ռուսական պաշտոնական և միջազգային աղբյուրները»: