«Ուկրաինացիներն ու ռուսներն ընդամենը զոհ են»․ Ստեփան Դանիելյան

Քաղաքագետ Ստեփան Դանիելյանի գրառումը․ «Ուկրաինացիներին հասկանալը դժվար չէ, իրենք իրենց հայրենիքն են պաշտպանում և այդ առումով հարգանքի են արժանի։ Հարգանքի են արժանի նաև իրենց հայրենիքը պաշտպանող սիրիացիները, իրաքցիները, լիբիացիները։
Սակայն կա մեծ քաղաքականություն, որտեղ այդ հասկանալի մարդկային զգացումները օգտագործում են իրենց շահերի, ֆինանսական օգուտների, աշխարհը տիրելու, երկրների տնտեսությունները վերաձևելու համար։
Եվ այդ ամենը հիմնվում է երկակի ստանդարտների վրա, որոնց միջոցով մանիպուլյացիաների են ենթարկում մարդկանց։ Մանիպուլյացիաների անողներին էլ է կարելի հասկանալ, նրանք ընդամենը վարձու աշխատողներ են, աշխատանք է, անում են։
Երկրներին ու ազգերին պատերազմների մեջ ներքաշել ու դրա միջոցով նրանց վրա տիրապետություն սահմանելը հին ու արդյունավետ մեխանիզմ է։
Այս խաղի կանոնների պարագայում արդար ու մեղավոր որոնելու նշանակում է ընկնել հենց նման մանիպուլյատորների թակարդը։ Ուկրաինացիներն ու ռուսներն ընդամենը զոհ են։ Իրական մեղավորները միշտ մնում են ստվերում ու եկամուտներն են հաշվում։ Նրանք երբեք պատասխանատվության չեն կանչվում, իրենք են իրենց զոհերին դատում, կամ ներում»։