«Մենք էլ պիտի պաշտպանվենք»․ Խաչատուրյանը՝ ադրբեջանական կողմի կրակոցների մասին

«Հետո ի՞նչ, ոչինչ, ոչինչ»,- այսօր՝ լրագրողների հետ ճեպազրույցում անդրադառնալով դիտարկմանը, որ մինչ Հայաստանի Կառավարությունը խոսում է «խաղաղության դարաշրջան» բացելու մասին, Ադրբեջանը կրակում է, ասաց ՀՀ նորընտիր նախագահ Վահագն Խաչատուրյանը։
«Որևիցե մեկը, այդ թվում՝ Ադրբեջանը մեզ չպիտի շեղի այդ ճանապարհից։ Մենք պետք է կարողանանք իսկապես խաղաղություն հաստատել մեր տարածաշրջանում»,- նշեց նա։
Դիտարկմանը, թե Ադրբեջանը միևնույն է շարունակում է կրակել, Խաչատուրյանն ասաց․ «Հասկացա, մենք էլ պիտի պաշտպանվենք ու պաշտպանվելով ասենք, որ իսկապես մենք պաշտպանված ենք և պետք չէ մեզ հետ էդպես խոսել»։