«Սրա կեղտոտ երախը «լեզու են» դրել հենց հայկական իշխանությունները». Արման Աբովյան

ԱԺ նախկին պատգամավոր Արման Աբովյանը գրում է. «Երբ պետության իշխանությունը, կորցնելով հիշողությունը, տարրական ազգային արժանապատվությունը և պատիվը հրաժարվում է իր ուղիղ պարտականություններից և քաղաքացիների անվտանգության հաշվին փորձում է սիրաշահել մարդասպան վիժվածքներին, ակնկալելով իբր «խաղաղություն», ապա մարդասպան վիժվածքների առաջնորդն «առիթավորվում է»։

Այ, օրինակ, միջազգային ռազմական հանցագործ Ալիևի ելույթը, որտեղ վերջինս հայտարարում է, թե իր զինված նախիրը 44-օրվա պատերազմի ժամանակ վարում էր պատերազմը՝ համաձայն հումանիտար բոլոր նորմերի։

Սա ասում է մի մարդ, ում ուղիղ հրահանգով ռմբակոծվում էին արցախյան խաղաղ քաղաքները, գյուղերը։

Սա ասում է մի մարդ, ում զինված նախիրը գլխատում էր և սպանում էր հայ կանանց, երեխաներին, տարեցներին և հայ գերիներին։

Սա ասում է մի մարդ, ում ղեկավարած պետությունում սադիզմը և անասնական ֆաշիզմը հայերի հանդեպ դարձել է հիմնական պետական տեսլական։

Եվ սրա կեղտոտ երախը «լեզու են» դրել հենց հայկական իշխանությունները, որոնք, առաջնորդվելով ապազգային և հակապետական տեսլականով, որոշեցին որ վերջ՝ «ինչ եղել եղել է» և հիմա այս մարդասպան անասուների հետ հայերը պետք է «պաչպռոշտի» անեն, այսինքն՝ «խաղաղության դարաշրջան» բացեն։

Իմացեք միայն մի բան՝ խաղաղությունը միակողմանի չի լինում և որքան դուք ձեզ մեջտեղից պատռեք, միևնույն է թուրք-ադրբեջանական ոհմակը չի դադարեցնելու իր փորձերը վերջնականապես լուծել «հայկական հարցը»։ Խնդրում եմ, բերեք գեթ մեկ օրինակ, որը կփաստի հակառակը։ Իսկ ինչ վերաբերվում է Ալիևին, ապա և՛ նա, և՛ իր ավագ եղբայր Էրդողանը պետք է հայտնվեն Հաագայի միջազգային տրիբունալի առջև։

Եթե ուզում եք պատերազմ չլինի, ապա հենց սա պետք է լինի Հայաստանի Հանրապետության իշխանությունների առաջնային նպատակը դիվագիտական դաշտում, այլ ոչ թե ամբողջ հայ ազգի անվտագության և ապագայի հաշվին ռազմական հանցագործների հետ սիլի-բիլի անելը»։