«Հետայսու ինձ հետ շփումներում ձեզ իրավունք չվերապահեք բաներ հիշեցնել». Միրզոյանը՝ Գրիգորյանին

«Ես Ձեզ խորհուրդ կտայի հետայսու ինձ հետ շփումներում իրավունք չվերապահել հիշեցնել բաներ, անել գնահատականներ, որովհետև ձեզնից ոչ պակաս մենք ենք հետևում իրադարձություններին»,- դիմելով «Հայաստան» խմբակցության պատգամավոր Աննա Գրիգորյանին՝ ասաց ԱԳ նախարար Արարատ Միրզոյանը:

«Ինձ խորհուրդներ տալու կարիք չկա: Ես իմ հարցը ձևակերպում եմ այնպես՝ ինչպես հարկ եմ համարում, դուք էլ պատասխանեք այն՝ ինչ հարմար եք գտնում»,- արձագանքեց Աննա Գրիգորյանը:

Գրիգորյանն ավելի վաղ խոսելով Թուրքիայի, Միրզոյան-Չավուշօղլու հանդիպման մասին՝ ասել էր. «Այդքան ջերմ վերաբերմունքը որոշակի ներվ ու զգայունություն է պարունակում մեր հասարակությունում ու կարելի էր ավելի այլ կերպ դրսևորվել բանակցությունների ընթացքում»: Նա հարց էր ուղղել նաև Արցախի կարգավիճակի ու սահմանազատման և սահմանագծման մասին: