«Պատերազմ է». Հովիկ Աղազարյանը՝ ադրբեջանցիների կողմից Արցախում գազամատակարարման խափանման մասին

«Պատերազմ է»,- այսօր՝ լրագրողների հետ զրույցում, անդրադառնալով Արցախում գազամատակարարման խափանման հետ կապված ՔՊ-ական պատգամավոր Անդրանիկ Քոչարյանի մեկնաբանությանը, ասաց ՔՊ-ական պատգամավոր Հովիկ Աղազարյանը։

Հարցին, թե պատերազմն ինչ կապ ունի Արցախում գազամատակարարման դադարեցման հետ, Աղազարյանը պատասխանեց․ «Գազը պատերազմի հետ կապ չունի՞, մենք գտնվում ենք պատերազմական իրողությունների մեջ, այսօր զինադադար ա»,- նշեց պատգամավորը։

Հիշեցնենք, որ երեկ ՔՊ-ական պատգամավոր Անդրանիկ Քոչարյանը «Առաջին լրատվական»-ի հետ զրույցում մասնավորապես ասել էր․ «Մենք պետք է միակամ լինենք, սովորենք գազատարը փակ վիճակում ապրել»։