«Զանազան սադրանքներով Ադրբեջանը փորձում է շեղել մեզ խաղաղության օրակարգից»․ վարչապետ

«Իհարկե, շատերն այս իրադրությանն արձագանքում են՝ հիշեցնելով և քննադատելով մեր երկրի և տարածաշրջանի համար խաղաղ զարգացման դարաշրջան բացելու մեր որդեգրած քաղաքականությունը»,- Կառավարության նիստին, անդրադառնալով Արցախում Ադրբեջանի կողմից գազամատակարման խափանմանը, ասաց վարչապետ Նիկոլ Փաշինյանը։

«Ուզում եմ աներկբա արձանագրել, որ մեր որդեգրած այդ քաղաքականությունն այլընտրանք չունի։ Ընդհակառակը, իր այս գործողություններով, զանազան սադրանքներով Ադրբեջանը փորձում է շեղել մեզ խաղաղության օրակարգից, դելեգիտիմիզացնել այդ օրակարգը, տարածաշրջանում նոր էսկալացիաներ, նոր պատերազմներ հրահրելու իր քաղաքականությունը կյանքի կոչելու համար»,- նշեց նա։

«Մենք չպետք է տրվենք այդօրինակ սադրանքների։ Ասել եմ, որ խաղաղության օրակարգը կյանքի կոչելու համար մեզ անհրաժեշտ են ամուր նյարդեր և մենք որևէ կերպ չպետք է շեղվենք մեր հռչակած ռազմավարությունից»,- հավելեց վարչապետը։