«ՀՀ միամիտ իշխանությունները դա չեն հասկանում». Սեյրան Օհանյան

ԱԺ-ում լրագրողների հետ զրույցում «Հայաստան» խմբակցության պատգամավոր Սեյրան Օհանյանն անդրադարձել է Արցախում ստեղծված իրավիճակին: «Պետք է հասկանալ, որ ադրբեջանցիների հետ խաղաղ համակեցության պայմաններ այսօր ձևավորված չեն։ Եվ գնալ խաղաղության՝ առանց նախապայմանների և առանց համապատասխան իրադրության ճիշտ գնահատման, անընդունելի է»,- ասել է նա:

«Ով ճանաչում է ադրբեջանցիներին, թուրքին, պետք է հասկանա, որ գոյություն ունի թուրք-ադրբեջանական այնպիսի խորամանկություն, որ ՀՀ միամիտ իշխանությունները դա չեն հասկանում»,- հավելել է պատգամավորը: