Մեծ Բրիտանիայում կալանքի տակ են առել ռուս գործարարի սուպերզբոսանավը

Մեծ Բրիտանիայում կալանքի տակ են ռուս գործարարի պատկանող Phi սուպերզբոսանավը, հայտնում է Հանցագործության դեմ պայքարի ազգային գործակալության կայքը (NCA):

Գործակալության տվյալներով՝ զբոսանավը կառուցվել է հոլանդական Royal Huisman նավաշինարանում։ Բրիտանական իշխանությունները դրա արժեքը գնահատել են 38 միլիոն ֆունտ (գրեթե 50 միլիոն դոլար): 58,5 մ երկարությամբ նավն ունի լողավազան և այն, ինչ զբոսանավերի շինարարները նկարագրում են որպես «անհատակ գինու նկուղ»:

NCA-ում սեփականատիրոջ անունը չի նշվում՝ բացատրելով միայն, որ սեփականատերը խնամքով թաքցրել է այդ տեղեկությունը։ Նավը գրանցված է Կարիբյան ծովի Սենթ Քիթս և Նևիս կղզիների մի ընկերությունում և նավարկում է Մալթայի դրոշի ներքո: