«Ա՛յ Փանոս, հողը գնում է ոտներիս տակից, դու փողը տալիս ես՝ թե ճամփեքը կոկլիկացրե՞ք»․ Վարդ Սիմոնյան

Լրագրող Վարդ Սիմոնյանի գրառումը. «Ա՛յ Փանոս, հողը գնում է ոտներիս տակից, դու փողը տալիս ես՝ թե ճամփեքը կոկլիկացրե՞ք։ Այսօր միակ բանը, որ պիտի անես, էն է, որ վրայիցդ բեռնաթափես էդ գերկենտրոնացած իշխանությունը՝ Սերժի նվիրած անիծյալ կոստյումը ծվեն-ծվեն անես և բաժանես ճգնաժամային կառավարման գիտելիք ու փորձ ունեցող մասնագետների։
Բա լավ, գերԵՍ-ի, մարդ-օրկեստրի էս սինդրոմը հնարավոր չէ՞, գոնե հիմա թոթափել, թեկուզ քո իսկ ինքնապահպանման բնազդից ելնելով՝ չգիտե՞ս, որ մարդ-իշխանությունը խոցելու համար մի րոպեն էլ բավական է։ Խելագարվել կարելի է․․․
Իշխանությունը Վերից է, եթե երկնքից է գալիս առաքելությունը՝ Հոր աջը գլխիդ է, երկիրդ մազ էլ դառնա, չի կտրվի։ Եթե ուզում ես հասկանալ՝ կանչվածն ես, թե կոչվածը, մի հարց պարտադիր է՝ իմ կառավարման օրոք երկիրն ու ժողովուրդը լա՞վ են, թամա՞մ են, թե՞ աչք չեն բացում շարունակական աղետներից՝ ձեռք բերելով պռատության և պակասավորության համախտանիշ»։